Ul perden nata e dytë e Eurovision 2025, 26 konkurrentë shkojnë në Finalen e Madhe së bashku me “Zjermin” e Shkodrës Elektronike

Është mbyllur të enjten në mbrëmje nata e dytë e gjysmë finales së Eurovision 2025.

Në këtë mbrëmje spektakolare për nga organizimi u përzgjodhën edhe 10 këngët të cilat do të shkojnë në Finalen e Madhe.

Me përzgjedhjen e 10 finalistëve në natën e dytë kompletohet edhe Finalja e Madhe në të cilën do të interpretohen 26 këngë, të cilat do të garojnë për çmimin e madh në natën finale.

Shkodra Elektronike me këngën “Zjerm” kaloi  në Finalen e Madhe në gjysmë finalen e parë. Dyshja përfaqësuese e Shqipërisë në këtë ngjarje të madhe të muzikës evropiane, ndezi skenën e St. Jakobshalle në Bazel të Zvicrës, me një performancë vokale dhe skenike, e cila pati jehonë jo vetëm mes shqiptarëve kudo që ata ndodhen, por edhe në mediat dhe opinionin e kritikës muzikore evropiane.

Vendet që kaluan në finale janë:

Shqipëria

Islanda

Polonia

Portugalia

Suedia

Ukraina

Estonia

Norvegjia

San Marino

Holanda

Franca

Italia

Anglia

Gjermania

Spanja,

Zvicra

Lituania

Izraeli

Armenia

Danimarka

Austria

Luksemburgu

Finlanda

Letonia

Malta

Greqia

Eurovision 2025- Si do të hidhet shorti për renditjen e pjesëmarrësve në Finalen e Madhe?

Menjëherë pas përfundimit të dy gjysmëfinaleve, kualifikuesit për në Finalen e Madhe do të jenë pjesë e një shorti për të përcaktuar se në cilën renditje do të jenë në Finalen e Madhe.

Çdo finalist do të shortohet për rendin e pjesëmarrjes në Finalen e Madhe me tre rezultate të mundshme:

Pjesa e parë

Pjesa e dytë

“Zgjedhja e producentit”

Nëse një vend zgjedh “Zgjedhjen e Producentit”, producenti i shfaqjes së këtij viti, Korporata Zvicerane e Transmetimeve (SRG SSR), mund të vendosë lirisht se në cilën renditje do të paraqitet për tu vendosur në Finalen e Madhe.

Bazuar në short, producenti i Eurovision 2025 do të vendosë rendin e pjesëmarrjes në Finalen e Madhe. Rendi i pjesëmarrjes do të vendoset dhe do të shpallet menjëherë pas gjysmëfinales së dytë të së enjtes nga producenti, Korporata Zvicerane e Transmetimeve (SRG SSR), dhe do të miratohet nga EBU.

Tashmë është vendosur nëpërmjet një shorti që Zvicra do të performojë e 19-ta në Finalen e Madhe. Shorti i vendeve të Big-5 do të zbulohet pasi në gjysmëfinale ata të prezantojnë këngën e tyre dhe të votojnë. /RTSH/