Fisnik Asllani nuk ndalet, shënon një tjetër gol në Gjermani

Fisnikë Asllani vazhdon të jetë ndër lojtarët më në formë në Bundesliga 2. Sulmuesi i Kosovës ka qenë protagonist në fitoren e Elversberg ndaj Braunschweig të shtunën, duke kontribuar me një gol dhe një asistim në triumfin 3:0.

Asllani e ka zhbllokuar rezultatin në minutën e njëmbëdhjetë me një goditje të saktë, ndërsa në minutën e tetëmbëdhjetë ka asistuar për golin e dytë të shënuar nga Muhammed Damar, i cili më pas e ka realizuar edhe golin e tretë në minutën e njëzet e një.

Kosovari ka luajtur deri në minutën e shtatëdhjetë e nëntë, duke pasur edhe disa raste të tjera për të shënuar.

Pas kësaj fitore, Elversberg gjendet në vendin e tretë në tabelën e Bundesliga 2 me 55 pikë, po aq sa ka edhe Paderborn i vendit të katërt. Kjo pozitë i siguron Elversberg një vend në ndeshjet “play-off” për ngjitje në Bundesliga, ndërsa dy vendet e para promovohen direkt në elitën e futbollit gjerman. Tabelën aktualisht e kryeson Koln.

Me golin dhe asistimin e fundit, Asllani e çon në 18 numrin total të golave këtë sezon, ndërsa regjistron edhe 8 asistime, duke e konfirmuar si një nga lojtarët më produktivë dhe të rëndësishëm për ekipin e tij dhe për kombëtaren e Kosovës.