Tërhiqet shorti i Kupës, përballje të zjarrta

Të martën në selinë e Federatës së Futbollit të Kosovës është hedhur shorti i gjysmëfinales së Kupës së Kosovës në futboll, duke përcaktuar çiftet që do të përballen në këtë fazë të garës.

Rrethi i ardhshëm i kësaj gare, e dyta për nga rëndësia në vendin tonë, do të sjellë duele tejet interesante.

Në gjysmëfinale do të ballafaqohen Llapi-Drenica dhe Drita-Prishtina, kjo e fundit konsiderohet finale para finales.

Gjysmëfinalet e Kupës së Kosovës luhen me sistemin vajtje-ardhje.

Ndeshjet e para do të zhvillohen më 9 prill, ndërsa ato kthyese më 23 prill.