Tragjedi në Guine, të paktën 56 të vdekur pas kaosit në stadium

Një tragjedi ka ndodhur në një stadium në Guine.

Të paktën 56 të vdekur ndonëse mediat lokale flasin për më shumë se 100, bilanci tragjik i përplasjeve që ndodhën gjatë një ndeshje futbolli të luajtur në N’zerekore, qyteti i dytë më i madh në Guine.

Trazirat shpërthyen pas një vendimi të arbitrit që shkaktoi një pushtim të fushës së lojës në ndeshjen midis N’zerekore dhe Labe.

Sipas shtypit vendas, policia përdori gaz lotsjellës pasi tifozët e ekipit mik Labe, të tërbuar nga vendimet e arbitrit gjatë ndeshjes, hodhën gurë në fushë dhe pushtuan fushën, duke shkaktuar panik tek tifozët që po tentonin të largoheshin nga stadiumi.