Aston Villa, Emery: Bayerni, favorit ndaj nesh

• Trajneri i Aston Villas, Unai Emery, foli në një konferencë për shtyp në prag të ndeshjes kundër Bayern Munich në ditën e dytë të Champions League: “Është një rast i veçantë. Jemi të motivuar dhe shumë të emocionuar të luajmë me tifozët tanë në Villa Park. Është një ndeshje e veçantë, e veçantë për të gjithë. U kthyem në Evropë vitin e kaluar, klubi nuk ka luajtur kundër Bayern prej 42 vitesh”.

“Ne duhet të konkurrojmë dhe të tregojmë më të mirën. Evropa është diçka shumë, shumë e rëndësishme dhe shumë, shumë e vështirë. Kjo është sfida që kemi tani. Sigurisht, ne do të luajmë kundër një prej skuadrave më të mira në botë. Ata janë favoritët, shumë më tepër favoritë se ne”.