Finalja e Champions League 2027 nuk do të luhet në stadiumin “Giuseppe Meazza” në Milano. Zgjedhja e “San Siros” për të hequr dorë nga organizimi i eventit do të zyrtarizohet në fund të shtatorit, por rihapja e garës mes qyteteve për të pritur aktin final të kompeticionit nuk përjashton pjesëmarrjen e qyteteve të tjera italiane.
“San Siro” mund të ishte kthyer në skenën e finales së madhe të Championsit 11 vjet pas herës së fundit, por nevoja për të filluar punën e rinovimit në funksion të Euro 2032 e detyroi Italinë të merrte vendimin e dhimbshëm dhe të dorëzohej.
Në pritje të lëvizjeve të Milanit dhe Interit në lidhje me projektin e ristrukturimit të propozuar nga WeBuild dhe të shtyrë nga kryebashkiaku Sala, UEFA nuk do të kishte qenë në gjendje të mbështeste rrezikun e luajtjes së finales në një kantier të hapur ndërtimi.