Dias i Portugalisë: Kritikat për ne nuk kanë rëndësi

Mbrojtësi i Portugalisë, Ruben Dias, ka deklaruar se skuadra nuk po ndikohet nga kritikat pas barazimit zhgënjyes në ndeshjen hapëse të Kupës së Botës 2026 kundër Kongos.

Portugalia u ndal në një barazim 1:1 ndaj Kongo-s, në një ndeshje ku dominuan posedimin me 740 pasime, por arritën vetëm një goditje në portë, duke nxitur reagime të shumta në opinionin sportiv.

Vëmendje e madhe ka marrë edhe kapiteni Cristiano Ronaldo, i cili po përballet me kritika për mungesën e golave në turnetë madhorë, pavarësisht statusit si golashënuesi më i mirë në histori të futbollit ndërkombëtar.

Duke folur për mediat, Dias theksoi se skuadra po përpiqet të izolojë veten nga zhurma e jashtme.

“Kritikat për ne nuk kanë rëndësi. Thjesht janë zhurmë dhe pjesë e garës. Kur një ndeshje nuk shkon mirë, kjo është normale, por ne po mundohemi të qëndrojmë të fokusuar,” u shpreh ai.

Dias gjithashtu theksoi se Ronaldo është i mësuar me presionin e madh që vjen në nivel klubesh dhe kombëtaresh, duke shtuar se skuadra duhet të fokusohet te rezultati kolektiv dhe jo te individët.

Mbrojtësi portugez konfirmoi gjithashtu se është i gatshëm për ndeshjen e radhës kundër Uzbekistanit, pas rikuperimit nga një dëmtim.

Portugalia pritet të përballet me një kundërshtar të ngjashëm në stil loje, me një formacion të mbyllur defensiv, ndërsa Dias theksoi se çelësi do të jetë organizimi dhe vendimmarrja e saktë në fazën sulmuese.

“Nëse respektojmë pozicionet tona dhe marrim vendimet e duhura, mund të bëjmë diferencën,” shtoi ai.