Zyrtare, zbulohet data e nisjes së “Big Brother VIP Kosova 5”

Pritjes po i vjen fundi! Tashmë është zbuluar data kur do të nisë edicioni i pestë i spektaklit shumë të ndjekur “Big Brother VIP Kosova”.

Reality show, i cili çdo sezon mbledh para ekranit mijëra shikues dhe ngjall diskutime të shumta në rrjetet sociale, do të nisë më 30 tetor, raporton Klan Kosova.

Interesi për këtë edicion ka qenë i madh që nga paralajmërimet e para, ndërsa fansat kanë pritur me padurim të mësojnë se kur do të hapen dyert e shtëpisë më të famshme në Kosovë.

Edhe këtë sezon, publiku pritet të shoqërojë nga afër rrugëtimin e personazheve të njohura, të cilët do të përballen me sfida, emocione, debate dhe situata të paparashikueshme gjatë qëndrimit të tyre në shtëpi.

Një nga pikëpyetjet më të mëdha mbetet lista e banorëve që do të bëhen pjesë e garës, si dhe surprizat që produksioni ka përgatitur për këtë edicion.

Tashmë, me datën e nisjes të bërë publike, vëmendja e publikut përqendrohet te emrat që do të hyjnë në shtëpi dhe te dinamika që do të krijohet mes tyre.

Mbetet të shihet se çfarë do të sjellë “Big Brother VIP Kosova 5” dhe cilët personazhe do të arrijnë të fitojnë zemrat e publikut gjatë këtij sezoni.