Trump dënohet me lirim të pakushtëzuar nga gjykata e Nju Jorkut

Duke u paraqitur sot në gjykatë praktikisht nga shtëpia e tij në Mar-a-Lago, presidenti i sapozgjedhur Donald Trump u dënua për krimet e tij në çështjen e parave që dyshohet se ka dhënë në këmbim të heshtjes – në Nju Jork dhe u lirua pa kufizime, sipas CBS News.

Gjykatësi, Juan Merchan ndoqi një premtim të bërë një javë më parë për t’i dhënë Trump dënimin me lirim të pakushtëzuar, i cili nuk përfshin as burgim dhe as ndonjë kufizim tjetër që mund të pengojë Trump – pas betimit të tij si president më 20 janar.

Merchan tha sot se ai po jepte atë dënim sepse besonte se ishte opsioni i vetëm ligjor, vetëm 10 ditë përpara se Trump të merrte presidencën.

Ai i tha gjykatës se ky kishte qenë një rast vërtet i jashtëzakonshëm, edhe pse pasi u mbyllën dyert e sallës së gjyqit, vetë gjyqi nuk kishte qenë më i veçantë apo unik apo i jashtëzakonshëm se herë tjetër.

Megjithatë, nuk mund të thuhet e njëjta gjë për rrethanat rreth dënimit tuaj – për shkak të zyrës që dikur e kishit dhe do ta zini sërish së shpejti”, i tha ai Trumpit.

Ai tha se ishin mbrojtjet ligjore që i bëheshin zyrës së presidentit ato që ishin të jashtëzakonshme, “jo uzurpuesi i zyrës”.

“Ato mbrojtje ligjore të ofruara nga zyra e shefit ekzekutiv, ishin një faktor që mbizotëronte të gjithë të tjerët”, tha Merchan.

“Por ato nuk ishin një faktor lehtësues”, shtoi ai.

Ai tha se ato nuk e ulnin seriozitetin e krimeve dhe as ato mbrojtje të konsiderueshme nuk kishin fuqinë për të fshirë një vendim të jurisë.

Merchan tha se vendosi se i vetmi dënim i ligjshëm që mund të jepte, pa cenuar postin më të lartë në vend, ishte një shkarkim pa kushte.

“Donald Trump, si civili mund të mos kishte marrë një dënim kaq të butë”, shtoi ai. /rtsh/