Trepça kërkon fitoren e parë në FIBA Europe Cup

Kampioni i Kosovës në basketboll, Trepça të mërkurën mbrëma do të luajë ndeshjen e tretë në grupet e FIBA Europe Cup, përkatësisht të dytën radhazi në shtëpi.

Mitrovicasit do të ndeshen me Caledonia Gladiators nga Skocia.

Të dy skuadrat kanë nga dy humbje në dy ndeshjet e para në Grupin H të FIBA Europe Cup.

‘Xehetarët’ pësuan nga Dijon 118:73 dhe MHP RIESEN Ludëigsburg 57:70, kurse Caledonia Gladiators pësuan nga MHP RIESEN Ludëigsburg 86:62 dhe Dijon 54:90.

Në përballjen tjetër të këtij grupi, Dijon dhe Ludëigsburg do të ndeshen për vendin e parë.

Ky është edicioni i dytë radhazi për Trepçën që luan në grupet e FIBA Europe Cup.