Të paktën katër të vdekur pas sulmeve instensive ruse

Të paktën katër persona janë vrarë pasi Rusia nisi një valë intensive sulmesh me dronë dhe raketa në Ukrainë gjatë natës, thanë sot autoritetet ukrainase.

Sirena sulmesh ajrore u dëgjuan në të gjitha rajonet në të gjithë vendin, ndërsa Forcat Ajrore Ukrainase paralajmëruan se disa bombardues rusë ishin ngritur dhe me shumë gjasa kishin lëshuar raketa.

Kryebashkiaku i Kievit, Vitali Klitschko tha se të paktën katër persona kishin vdekur në kryeqytet, përfshirë 20 të plagosur.

“Operacionet e kërkim-shpëtimit janë duke vazhduar në disa vende”, shkroi ai në Telegram.

Administrata Ushtarake e Qytetit të Kievit tha se dronët kishin goditur disa ndërtesa banimi në të gjithë qytetin.

“Në Ukrainën veriperëndimore, të paktën pesë persona u plagosën gjatë sulmeve ruse”, raportoi kryebashkiaku i Lutskut, Ihor Polishchuk, në Telegram.

Sipas kryebashkiakut, Rusia sulmoi Lutskun me 15 dronë dhe gjashtë raketa, duke dëmtuar një ndërtesë apartamentesh, automjete, biznese dhe një institucion qeveritar.

Nuk ishte e qartë nëse sulmet ishin pjesë e një hakmarrjeje në shkallë të gjerë të pritur gjerësisht nga Rusia – pas sulmeve të koordinuara me dronë të Ukrainës në disa aeroporte ushtarake ruse – pas vijave të frontit fundjavën e kaluar.

Ukraina është mbrojtur kundër pushtimit rus në shkallë të plotë për më shumë se tre vjet. Bisedimet për t’i dhënë fund luftimeve kanë dhënë rezultate shumë të kufizuara – dhe palët ndërluftuese janë ende larg njëri-tjetrit në kërkesat e tyre.