Stresi, minstres Haxhiu: Më mirë ‘ekstradoje’ trupin e Faton Hajrizit sesa me u marr me ne, s’të vjen marre

Reperi i njohur shqiptar Stresi, i shpallur në kërkim nga Policia e Kosovës, është lajmëruar sërish nga arratia. Kësaj radhe, ai ka publikuar një video në InstaStory, ku shihet duke u larë në bregdet.

Megjithatë, reperi nuk ka bërë të ditur se cilës kohë i përket videoja, duke lënë ndjekësit e tij në dilemë për vendndodhjen e tij të saktë.

Stresi është në kërkim nga autoritetet për përfshirjen e tij në një konflikt që ndodhi ditë më parë jashtë një diskoteke në Pejë. Ndërsa reperi vazhdon të sfidojë ligjin, Policia e Kosovës mbetet në ndjekje të tij për të sjellë drejtësinë për incidentin e përfolur.

Në reagimin e fundit Stresi ka shkruar duke bërë tag ministren Albulena Haxhiu.

“Nuk më takon me fol per çeshtjet e brendshme te Kosovës, por ma mirë ekstrado trupin e Fatonit sesa me u marr me ne. Sa njerez rrehen çdo ditë si anej si knej a duhet me i ekstradu? Hajgare s’te vjen marre.

Kjo është më shumë ego e jotja se sa drejtësi“, ka shkruar Stresi.