Stoltenberg: Rusia më agresive, rrisim mbrojtjen në Arktik

Ministri norvegjez i Financave dhe ish-sekretari i NATO-s, Jens Stoltenberg, e justifikoi rritjen e shpallur sot të shpenzimeve ushtarake prej 17 miliardë korona, e barabartë me afërsisht 1,46 miliardë euro, duke thënë se “Rusia është më agresive”.

“Ata kanë zhvendosur shumë nga trupat e tyre nga veriu në Ukrainë, por ata kanë demonstruar aftësinë e tyre për të pushtuar fqinjët e tyre dhe për këtë arsye ne kemi vendosur të rrisim ndjeshëm shpenzimet tona të mbrojtjes”, tha ministri.

“Unë besoj fuqimisht se shtetet evropiane duhet të bëjnë më shumë, por brenda kornizës së NATO-s, sepse Bashkimi Evropian ka qartë një rol të rëndësishëm, por ne kemi nevojë edhe për aleatë të tjerë të NATO-s si Mbretëria e Bashkuar, Turqia, Kanadaja dhe Norvegjia”, shtoi ai.

Stoltenberg nënvizon se objektivi aktual është ende 2% shpenzime dhe nëse do të merrej një vendim për një rritje, do të ishte e nevojshme të bëhej brenda një periudhe kohore të përshtatshme.

“Mark Rutte ka treguar se objektivi duhet të jetë rreth 3% dhe Norvegjia po punon drejt këtij objektivi. Rritja e shpenzimeve do të përfshijë një numër më të madh të rekrutëve dhe do të rrisë infrastrukturën e mbrojtjes në rajonin Finnmark, në Arktikun Norvegjez, në kufi me Rusinë”, theksoi ai. /rtsh/