Slot: Duam ta mbyllim sa më mirë gjysmë sezonin

Lideri i tabelës në Premier League, Liverpool sonte sfidon Leicester Cityn, në një sfidë të rëndësishme në garën për titull të kampionit në elitën e futbollit anglez.

Trajneri i ‘The Reds’, Arne Slot, duke folur për kanalin zyrtar të klubit nga ‘Anfield’, ka bërë një bilanc të kësaj pjese të parë të sezonit.

“Ne jemi ende në gjysmën e parë të sezonit, por po i afrohemi pikës ku të gjithë kanë luajtur gjysmën e ndeshjeve të tyre dhe kjo do të jetë koha kur ne do të kemi një ide më të qartë se ku jemi”, ka thënë Slot.

Ai kërkon angazhimin maksimal të skuadrës së tij edhe në sfidat e radhës. Slot dëshiron që gjysmë sezonin të mbyll në mënyrën më të mirë të mundshme.

“Për këtë arsye, dhe shumë të tjera, dua ta mbyll këtë gjysmë sezoni sa më mirë. Asnjë çmim nuk do të jepet gjatë kësaj periudhe, por sa më gjatë të qëndrojmë në pozicionet e para, aq më e fortë do të jetë ideja që do të kemi për të ndërtuar dhe për të ecur përpara”, ka theksuar Slot.

Ndeshja Liverpool-Leicester City nis në orën 21:00.