Rusia raporton sulme masive me dronë ukrainas në Moskë

Sulmet masive me dronë ukrainas kanë goditur një rafineri në Moskë dhe dy termocentrale, sipas raporteve të sotme ruse.

Një zjarr shpërtheu në rafinerinë ”Kapotnya” që ndodhet në një lagje juglindore të Moskës, por brigada e zjarrfikësve ishte në gjendje ta kontrollonte atë pas disa kohësh.

Sulmet në një termocentral në periferi jugore të Moskës dhe në një termocentral në rajonin Tver rreth 100 kilometra në verilindje të metropolit u konfirmuan zyrtarisht.

Mediet ruse publikuan video të pakonfirmuara në internet.

Kryebashkiaku Sergei Sobyanin raportoi në Telegram se mbeturinat nga dronët ranë në periferi të Moskës.

Ministria e Mbrojtjes në Moskë njoftoi se 158 dronë ukrainas ishin kapur gjatë natës në 15 rajone të ndryshme ruse.

Numri nuk mund të verifikohet në mënyrë të pavarur, por është numri më i lartë i raportuar deri më tani për një sulm me dronë ukrainas.

Rusia gjithashtu ka shkatërruar kryesisht termocentralet e Ukrainës me armët e saj me rreze të gjatë veprimi, të cilat Ukraina nuk i ka.

Ukraina po mbrohet me një numër të madh dronësh që sulmojnë impiantet industriale ruse, raporton atsh.