Roma siguron vendin në tetëshen e UEFA Europa League, mund Stuttgart-in

AS Roma ka arritur të ngjitet në tetëshen e parë të UEFA Europa League, me vetëm një xhiro nga faza e grupeve, pas fitores 2-0 në shtëpi ndaj VfB Stuttgart, që ende mbajnë shpresë për kualifikim direkt në 1/16-ën, pavarësisht humbjes së parë pas katër ndeshjesh pa humbje, shkruan Rekordi.net.

Stuttgart nisi ndeshjen me iniciativa, duke krijuar hapësira për Maximilian Mittelstädt që të godiste që në minutën e dytë, por pa sukses për të shqetësuar portierin Mile Svilar.

Roma, me një rekord thuajse identik me atë të mysafirëve, pati rastet e para serioze përpara minutës së 20-të, me Matias Soulr që goditi nga jashtë zone dhe më pas me një vole, por të dy tentativat shkuan mbi traversë.

Golin e parë Roma e shënoi në minutën e 40-të, kur Niccolo Pisilli shfrytëzoi një pasim perfekt të Soule për të dërguar topin në këndin e sipërm dhe për të dhënë epërsinë para pushimit. Stuttgart pati raste të mira për barazim, por Mile Svilar tregoi refleks të jashtëzakonshëm në portë, duke mbajtur portën e paprekur.

Në minutat shtesë, Roma vulosi fitoren me një aksion të rrjedhshëm, ku Paulo Dybala shërbeu për Pisilli, që shënoi golin e dytë të ndeshjes dhe të tijin të dytin personal.

Kjo fitore e katërt radhazi në Europa League për Romën është hera e parë që ndodh që nga sezoni 2020/21, duke i dhënë skuadrës një pikë avantazh ndaj vendit të nëntë para udhëtimit të ardhshëm në Panathinaikos.

Për Stuttgart, kjo ishte humbja e parë pas shtatë ndeshjesh në të gjitha kompeticionet, dhe ata tani do të duhet të fitojnë ndaj BSC Young Boys në shtëpi dhe të shpresojnë në rezultate të favorshme për të mbajtur shpresat për kualifikim. /Rekordi.net

Të gjitha rezultatet e Europa League: