Rikthehet Superliga, spikat derbi Drita-Ballkani

Superliga e Kosovës në futboll, rikthehet këtë vikend me ndeshjet e xhiros së 15-të.

Kjo xhiro hapet sot me duelin mes Feronikeli ’74-Suhareka, ndeshje kjo që luhet në ‘Rexhep Rexhepi’ të Drenasit.

Ndërkaq, e shtuna pasdite parashikohet të jetë e ‘nxehtë’ pasi përballen Drita-Ballkani dhe Llapi-Ferizaj.

Dueli mes Dritës dhe Ballkanit padyshim se është kryederbi i këtij sezoni pasi që përballen dy rivalët kryesor në garën për titull të kampionit.

Skuadra gjilanase aktualisht kryeson tabelën me 31 pikë, pesë më shumë së kampioni në fuqi i Kosovës.

Kjo xhiro do të mbyllet të dielën pasdite me duelet Gjilani-Malisheva dhe Dukagjini-Prishtina, sfidë këto që pritet të dhurojnë duele joshëse pasi që pikët nga këto dy ndeshje janë tejet të rëndësishme.

Superliga /Java e 15-të

Të premten takohen:

Feronikeli ’74-Suhareka

Të shtunën takohen:

Ballkani-Drita

Llapi-Ferizaj

Të dielën takohen:

Gjilani-Malisheva

Dukagjini-Prishtina

Të gjitha ndeshjet fillojnë në orën 13:00.