Reagon Afrim Muçiqi pas përjashtimit të Zhegrovës, Muriçit e Muslijës: E kam një pyetje

Ish futbollisti Afirm Muçiqi dhe vite me radhë ishte nënkryetar i klubit të futbollit Prishtina, e ka mirëpritur vendimin e selektorit të kombëtares së Kosovës, Franco Foda.

Muçiçi tha se është vendim i vonuar por i qëlluar për përjashtimin e futbollistëve Edon Zhegrova, Florent Muslija e portierit Arijanet Muriç.

“Absolutisht vendim i qëlluar, sepse ngjyrat e kombëtares së Kosovës, ngjyrat e shtetit duhet të mbrohen në fushë dhe jo në diskotekë, pavarësisht respektit për Zhegrovën, Aronin e Muslijën.

Kosova është më e madhe se të gjithë ne të tjerët”, thotë Muçiqi për gazetën kombëtare “Bota sot”.