PSG vendos çmimin marramendës për Barcolan, e monitoron gjiganti anglez

Paris Saint-Germain ka vendosur një çmim të lartë për yllin e saj, Bradley Barcola, teksa interesimi për sulmuesin anësor francez vazhdon të rritet në tregun e transferimeve, raportojnë mediet e huaja, transmeton Rekordi.net.

Sipas raportimeve të gazetarit Ben Jacobs, kampioni francez vlerëson 23-vjeçarin me rreth 170 milionë euro, një shumë që lidhet me transferimet e fundit të Morgan Rogers dhe Elliot Anderson, por edhe me paraqitjet e jashtëzakonshme të Barcolas në vitet e fundit.

Barcola ka ndërtuar një CV të rëndësishme, duke fituar dy tituj radhazi të Ligës së Kampionëve me PSG-në dhe duke zhvilluar një paraqitje të fortë edhe në Kupën e Botës 2026. Forma e tij ka tërhequr vëmendjen e disa klubeve të mëdha evropiane.

Në mesin e skuadrave të interesuara është edhe Liverpooli, i cili po e monitoron nga afër situatën e francezit. Megjithatë, klubi anglez pritet të tentojë negociatat për të ulur kërkesat financiare të PSG-së.

Pavarësisht se është i gatshëm të dëgjojë oferta, PSG-ja ka bërë të qartë se dëshiron të mbajë vetëm lojtarë të përkushtuar plotësisht ndaj projektit të trajnerit Luis Enrique. Tekniku spanjoll nuk synon t’i garantojë askujt një vend në formacionin bazë dhe kërkon konkurrencë të plotë brenda skuadrës.

Me interesimin në rritje nga klubet elitare, e ardhmja e Bradley Barcolas pritet të jetë një nga temat kryesore të afatit kalimtar të verës. /Rekordi.net