Presidentja Osmani uron Donald Trumpin për zgjedhjen president i SHBA-së

Presidentja e Republikës së Kosovës, Vjosa Osmani, uroi Donald Trumpin për zgjedhjen president i SHBA-së, i cili pak çaste më parë shpalli fitoren, si fitues i zgjedhjeve presidenciale.

Osmani, në një postim në X, shkruan se në emër të popullit të Republikës së Kosovës, i shpreh urimet e përzemërta Donald Trumpit, për zgjedhjen e tij si president i SHBA-së dhe James David Vance për zgjedhjen si zëvendëspresident.

“Në emër të popullit të Republikës së Kosovës, i shpreh urimet tona të përzemërta Donald Trumpit dhe James David Vance për zgjedhjen e tyre si president dhe zëvendëspresident i Shteteve të Bashkuara. SHBA mbetet partneri i palëkundur dhe aleati i domosdoshëm i Kosovës. Mezi pres të punoj me administratën e re për të thelluar më tej lidhjen tonë unike dhe aleancën strategjike. Zoti e bekoftë Amerikën, liderin e botës së lirë!”, shkruan Osmani në X.