Politologu Maloku: Hekuran Murati, një katastrofë e paimagjinueshme

Politologu Albinot Maloku i ka reaguar ministrit të Financave, Hekuran Murati, i cili sot tha se kanë krijuar një formular online për ata të cilët duan që vullnetarisht të heqin dorë nga shtesat e fundvitit.

Maloku ka thënë se Republika e Kosovës ka përjetuar lloj-lloj ministri, por asnjëherë nuk ka parë një dështim të tillë ‘si ky dangalli i Ministrisë së Financave’.

“Ky është një katastrofë e paimagjinueshme, një shkatërrim i ekonomisë, një njeri që, në vend që të punojë për mirëqenien e qytetarëve, ky i ka dhënë të mbrapshtën ekonomisë së vendit e qytetarit. Së pari e poshtëron qytetarin, ku si ministër mendon se po i ndihmon me 100 euro të cilat ia merr buxhetit të shtetit pa mbulesë ligjore, mandej i ofendon duke u thënë mos i merrni nëse i konsideroni pak! Dangall ministër, 57 milionë euro të shpërndara, nuk janë dalje nga kriza ekonomike që po e përjeton qytetari i Republikës, 57 milionë euro të shpërndara nuk janë vizion ekonomik, nuk janë zhvillim i ekonomisë e as dinjitet për qytetarin e Republikën, por tregues i mjerimit. Ky ministër është një dëm që po e shkatërron çdo mundësi për zhvillim, duke dëmtuar në mënyrë të pakthyeshme çdo mundësi për të ardhmen ekonomike të vendit”, ka thënë Maloku.