Policia sekuestron thika, shufra e drogë në Mitrovicë dhe Vushtrri

Policia e Kosovës ka njoftuar se gjatë kontrolleve rutinë në Mitrovicë dhe Vushtrri, te personat e kontrolluar kanë gjetur në posedim dhe kanë sekuestruar gjësende të kundërligjshme si thika, shufra si dhe substanca narkotike.

“Përkundër angazhimeve specifike Njësia e Reagimit të Shpejtë (NJRSH) në kuadër të Drejtorisë Rajonale në Mitrovicën e Jugut, në fokus të parandalimit dhe ofrimit te sigurisë në vazhdimësi është duke i  mbështetur njësitet dhe sektorët e ndryshëm që po rezulton me efikasitet si në fushën e parandalimit ashtu edhe në atë të reagimit”, thuhet në njoftimin e policisë.

Ndaj personave të dyshuar si dhe gjësendeve të sekuestruara do të procedohet sipas proceduarve të parapara ligjore.

Policia njofton se kontrolle të tilla do vazhdojnë edhe ditëve në vijim.