Parashikimi i motit për fundjavë

Instituti Hidrometeorologjik i Kosovës (IHMK) ka parashikuar motin për dy ditët e vikendit.

Sipas IHMK-së të shtunën parashihet të mbajë mot me diell dhe vranësira të shpërndara.

“Në mëngjes nëpër ultësira parashihet të ketë mjegull. Temperaturat minimale do të lëvizin ndërmjet -5 deri -2 gradë celsius, ndërsa maksimalet e ditës parashihen të lëvizin ndërmjet 10 deri 13 gradë celsius. Do të fryjë erë  nga drejtimi i verilindjes me shpejtësi 1-2m/s”, ka njoftuar IHMK-ja.

Ndërsa edhe të dielën parashihet të mbajë mot me diell dhe pjesërisht i vranët. Në mëngjes sipas IHMK parashihet të krijohet mjegull e radiacionit.

“Temperaturat minimale do të lëvizin ndërmjet -4 deri -1 gradë celsius, ndërsa maksimalet e ditës parashihen të lëvizin ndërmjet 9 – 12 gradë celsius. Do të fryjë erë e lehtë deri mesatare nga drejtimi i verilindjes”,  ka njoftuar IHMK-ja.