Osmani takon shefen në ardhje të diplomacisë së BE-së

Presidentja e vendit, Vjosa Osmani, në Samitin e Komunitetit Politik Evropian që po mbahet në Londër ka takuar edhe kryeministren e dorëhequr të Estonisë, Kaja Kallas, e cila së shpejti do të jetë shefja e politikës së jashtme të Bashkimit Evropian në fund të këtij viti.

“Gjithmonë kënaqësi biseda me kryeministren Kaja Kallas, këtë herë përgjatë Samitit EPC. Paqja dhe siguria e kontinentit evropian kërkojnë lidership të fuqishëm dhe të gatshëm, gjë që Kallas e ka demonstruar në mënyrë të jashtëzakonshme”, ka shkruar Osmani në platformën “X”.