Nuk ka më hapësirë për bashkëpunim me LV-në

Anëtari i LDK-së, Avdullah Hoti, ka deklaruar se nuk sheh hapësirë për bashkëpunim me LV-në.

“Nuk jam në pozitë të vë vija të kuqe, jemi duke punuar të gjithë që të dalim fitues, unë besoj që nuk ka më hapsirë për bashkëpunim me LV-në, unë besoj që nuk ka kryeminsitër Kurti 3 jam i bindur që do të na kthehën votuesit tanë, kjo qeveri aktuale nuk ka me marrë mbeshtetjen nga qytetarët. Besoj që subjekti me i pëlqyer do të jetë LDK-ja”, tha Hoti.

Ai tha se është i bindur se koha e ka vërtetuar që qeveria Kurti nuk ka bërë asgjë prej asaj se si është paraqitur në fushatë në zgjedhjet e kaluara. Sipas tij, të gjitha votat që i kanë marrë kanë qenë ‘’në bazë të propagandës, gjithçka ishte mashtrim’’.

Ai, gjithashtu, ka theksuar edhe raportet me Shqipërinë, për çka tha se ka dy vite që nuk ka mbledhje të dy qeverive.

“Me Shqipërinë dy vite nuk ka mbledhje të përbashkta të dy qeverive edhe nese kemi mos pajtime deri në qiell ti ulesh gjithëmonë me Tiranën sepse Tirana është zëri jonë aty ku nuk jemi ne”, tha Hoti. /rtv21