‘‘Nuk e kemi njet me u dorëzu – Marshi i 4’të në tetor’’, Ismail Tasholli nga ‘Liria ka emër’

Ismail Tasholli nga Liria ka Emër, i ftuar në Pressing në T7, ka njoftuar se në tetor do të organizohen sërish Marshe në përkrahje për ish-krerët e UÇK’së që u dënuan nga Gjykata Speciale.

Tasholli ka thënë se ata ‘’nuk e kanë njet me u dorëzu’’, përcjell Express.

‘‘Jo nuk përfundon. Nuk e kem njet me u dorëzu. Përkundrazi tash jem mrena takimeve që do ta bëjmë agjendën e aktiviteteve për 1 vit. Diku ka tetorit sepse është muaji studentave, do ta organizojmë marshin e radhës të 4. Për detaje do t’i japim. Hala s’e kemi vendos datën, por tetori po, Prishtina do të jetë e mbushur përsëri me një Marsh’’, ka thënë Tasholli.