Ndaloi për të takuar gruan dhe djalin, gjobitet çiklisti francez

Julien Bernard thjesht donte të shijonte një moment gëzimi me familjen dhe fansat e tij gjatë etapës së shtatë të Tour de France, por në vend të kësaj ndalesa e shkurtër në mes të rrugës dhe ajo puthje me gruan e tij i kushtoi një çmim shumë të lartë.

Çiklisti i skuadrës Lidl-Trek u gjobit me 200 franga zvicerane nga juria e Grande Boucle për “sjellje të pahijshme të dëmshme për sportin” për shkak të festimeve në Côte de Reulle-Vergy.

Gjatë garës së kronometrit Gevrey-Chambertin, transalpini festoi me publikun e pranishëm në anë të rrugës, i cili erdhi për të përshëndetur të preferuarin e tyre së bashku me gruan e Bernardit dhe djalin e tij të vogël.

Një sjellje e cilësuar si e papërshtatshme nga Unioni Ndërkombëtar i Çiklizmit (UCI) i cili sanksionoi çiklistin që komentoi vendimin me ironi: “Më falni UCI që kam dëmtuar imazhin e sportit, por do të isha i lumtur të paguaja 200 franga çdo ditë për të përjetuar momente si këto”.