Moti sot, me vranësira të shpërndara dhe ulje të temperaturave

Mbi vendin tonë sot do të mbajë mot me vranësira të shpërndara, por me ulje të lehta të temperaturave kryesisht në vlerat e maksimaleve. Parashihen riga shiu të përcjella me rrufe, ndërsa në zona të izoluara mund të ketë reshje breshëri.

Sipas Institutit Hidrometeorologjik të Kosovës, vlerat e temperaturave minimale do të lëvizin ndërmjet 14 deri në 17 gradë Celsius, ndërsa maksimalet e ditës parashihen të lëvizin ndërmjet 25 deri në 28 gradë Celsius, raporton RTKlive.

Do të fryjë erë kryesisht nga veriperëndimi e lehtë dhe lokalisht e fortë.