Liverpool mposht Tottenhamin në derbin anglez

Tottenham Hotspur ka pësuar një tjetër humbje të dhimbshme në shtëpi, duke u mundur 2-1 ndaj Liverpoolit në një ndeshje të Premier League, ku Xavi Simons dhe Cristian Romero u përjashtuan më karton të kuq.

Ndeshja nisi me një Tottenham të kujdesshëm, duke tentuar të mbante kontrollin, por Liverpool krijoi rreziqe të hershme. Situata u komplikuar për vendasit në minutën e 30-të, kur Simons rrëzoi Van Dijk dhe pasi gjyqtari kontrolloi monitorin në fushë, e dërgoi lojtarin jashtë me të kuq.

Me një lojtar më shumë, Liverpool ndryshoi ritmin pas pushimit. Alexander Isak, i futur në pjesën e dytë, shënoi golin e parë pas asistit të Florian Wirtz.

Tottenham pati disa mundësi për të reaguar, përfshirë një goditje që preku shtyllën dhe një tjetër që ishte shumë pranë golit, por fatkeqësisht nuk arriti të barazonte.

Në minutat e fundit, Richarlison shënoi për të ulur diferencën, por ishte tepër vonë për të shmangur humbjen. Romero mori të kuqin në minutat shtesë, duke lënë Spurs me vetëm nëntë lojtarë dhe duke i dhënë Liverpoolit një avantazh të dyfishtë për të përfunduar ndeshjen pa probleme.

Me këtë fitore, Liverpool mbetet në garë për top-katërshen, ndërsa Tottenham vazhdon të ketë vështirësi në shtëpi, duke pësuar humbjen e 5-të në 8 ndeshjet e fundit të Premier League në stadiumin e tyre.