Lajçak pas takimeve me Osmanin e Kurtin: Diskutimet do të ndihmojnë në krijimin e zgjidhjeve

Emisari i Bashkimit Evropian për dialogun Kosovë-Serbi, Mirosllav Lajçak, ka bërë një përmbledhje të takimeve që ka zhvilluar në margjina të Asamblesë së Përgjithshme të OKB-së në New York.

Lajçak përmes një postimi në “Facebook”, ka theksuar pjesëmarrjen e tij në drekën tradicionale të liderëve të Ballkanit Perëndimor, organizuar nga shefi i Diplomacisë së BE-së, Josep Borrell, derisa ka përmendur diskutimet për Ballkanin Perëndimor.

Mes tyre ka ndarë edhe fotografi nga takimet e zhvilluara me përfaqësues të shteti të Republikës së Kosovës, me presidenten Vjosa Osmani dhe kryeministrin Albin Kurti.

Në fund, ka shprehur besim se diskutimet që kanë pasur do të ndihmojnë në krijimin e zgjidhjeve efektive për sfidat me të cilat përballemi globalisht.

“Sapo u ktheva nga një javë intensive në Asamblenë e Përgjithshme të OKB-së në Nju Jork! Unë pata mundësinë të përfshiheshe në diskutime kuptimplota rreth multilateralizmit, ndërtimit të paqes dhe Ballkanit Perëndimor brenda dhe jashtë ndërtesës së OKB-së. Përveç bisedave me miqtë dhe partnerët, mora pjesë gjithashtu në drekën tradicionale të Ballkanit Perëndimor me liderët nga rajoni, organizuar nga HR/VP dhe fola në Samitin e Ndikimit të Zhvillimit të Qëndrueshëm të WEF-së”, ka shkruar Lajçak në “Facebook”. /ER/