Kurti: Votimin e qeverisë së re e synojmë në ditën e betimit të deputetëve

Kryeministri në detyrë, që është edhe kryetar i LVV-së, Albin Kurti i ka thënë myftiut Naim Tërnava se në seancën konstituive të Kuvendit të Kosovës, po synojnë betimin e deputetëve, zgjedhjen e kryetarit dhe kryesisë, si dhe votimin e Qeverisë.

Gjatë vizitës në Bashkësinë Islame të Kosovës, Kurti është pyetur nga myftiu Tërnava nëse “pushuan pas zgjedhjeve të 9 shkurtit”. Kurti ka theksuar se pas certifikimit të rezultateve do të jetë seanca konstituive e Kuvendit të Kosovës.

“Pasi u publikuan rezultatet, është një seancë ku japim betimin. Synojmë një seancë me u zgjedh edhe kryetari, kryesia, edhe qeveria siç e kemi bërë edhe herën e kaluar në të njëjtën ditë”, ka thënë Kurti.