Kryeministri Kurti: Krenaria olimpike në Paris vazhdon me Laurën nga Mitrovica

Kryeministri Albin Kurti ka reaguar në rrjetet sociale për medaljen e bronztë që Laura Fazliu e fitoi në Lojërat Olimpike që po mbahen në Paris.

Kryeministri i vendit tha se krenaria olimpike vazhdon me xhudistin nga Mitrovica.

Më poshtë mund ta lexoni njoftimin e plotë të Kurtit:

Krenaria olimpike në Paris vazhdon me Laurën nga Mitrovica!

Në debutimin e saj në Lojërat Olimpike, Laura Fazliu ia siguroi Kosovës medaljen e bronztë duke e mposhtur në ndeshjen për vend të tretë kroaten Katarina Kristo.

Kjo është medalja e pestë olimpike në histori të Kosovës me ekipin e xhudistëve të kryemjeshtrit Driton Kuka, e dyta në Paris dhe e para për Majlinda Kelmendin si trajnere. Për më shumë, kjo është edhe medalja e parë olimpike nga qyteti i Mitrovicës.

Kosova edhe njëherë dëshmoi se është shtet i xhudos.

Faleminderit Laura për gëzimin e pamasë!