Kryediplomati i Libanit i kërkon Iranit dhe Hezbollahut të shmangin hakmarrjen

Ministri i Jashtëm në detyrë i Libanit, Abdallah Bou Habib tha sot se shpreson që sulmi hakmarrës nga Irani dhe aleatët e tij – për vrasjen e dy kundërshtarëve kryesorë izraelitë – të mund të parandalohet.

“Shpresojmë se nuk do të ketë asnjë hakmarrje”, tha Bou Habib gjatë një vizite në Kajro.

“Nëse duhet të ketë një të tillë, nuk duhet të jetë një përgjigje kolektive ose e fortë që do të çonte në një luftë të madhe”, shtoi ai.

Bou Habib tha se qeveria e tij po përpiqej të parandalonte milicinë e Hezbollahut të Libanit të mbështetur nga Irani – për të shmangur përshkallëzimin dramatik të tensioneve.

Por, aftësia e Bou Habibit për të frenuar Hezbollahun dhe Iranin është e kufizuar.

Libani ka qenë në mosfunksionim prej disa vitesh – dhe pa një president që nga fundi i vitit 2022.

Qeveria është në detyrë vetëm në një kapacitet kujdestar, pasi elita politike e vendit vazhdon të kete mosmarreveshje.

Milicia e Hezbollahut ka ndikim të madh në politikë dhe në jetën e përditshme të popullsisë libaneze, duke vepruar si një shtet brenda një shteti. /atsh/