Gjobat për Federatat “pasuruan” UEFA, u arkëtuan 1.3 milionë euro

UEFA ka bërë publike shifrat e gjobave të vendosura për Federatat, të cilat ishin pjesë e fazës së grupeve në Euro 2024.

Mësohet se vetëm tre tifozeri janë shembullore pasi me sjelljen në stadiume nuk u kanë kushtuar asnjë euro Federatave respektive. Mes Federatave të ndëshkuara spikat edhe ajo gjermane, e cila ndryshe nga të tjerat nuk është gjobitur për sjelljen e tifozëve të saj, por për faktin se në dy takime nuk ka garantuar siguri të mjaftueshme në fushë.

Sipas të dhënave rezulton se Federata Kroate e Futbollit, Federata Shqiptare e Futbollit dhe Federata Serbe e Futbollit janë të vetmet, të cilat janë gjobitur me shifra tre shifror.

Tifozët më shembullorë në këtë Europian deri më tani janë tifozët e Francës, Spanjës dhe Sllovakisë.

Lista e plotë e Federatave dhe e gjobave:

Kroacia: 220.875 Euro

Shqipëria: 171.375 Euro

Serbia: 166.625 Euro

Turqia: 95.125 Euro

Zvicra: 91.750 Euro

Rumania: 84.250 Euro

Hungaria: 82.250 Euro

Austria: 59.875 Euro

Polonia: 56.375 Euro

Sllovenia: 51.250 Euro

Gjeorgjia: 46.000 Euro

Italia: 30.000 Euro

Gjermania: 23.375 Euro

Ukraina: 23.000 Euro

Holanda: 20.500 Euro

Belgjika: 17.000 Euro

Rep.Çeke: 17.000 Euro

Anglia: 12.500 Euro

Danimarka: 10.000 Euro

Skocia: 9000 Euro

Portugali: 5.250 Euro

Franca: 0 Euro

Sllovakia: 0 Euro

Spanja: 0 Euro