Frattesi: Ta veshësh fanellën e Interit është nder dhe përgjegjësi

Mesfushori i Interit, Davide Frattesi, është shprehur i lumtur që është pjesë e kampionëve në fuqi të Italisë.

Reprezentuesi i Italisë thotë se është nder ta veshësh fanellën e skuadrës ‘Nerazzurre’.

“Viti i kaluar ishte një sezon i vështirë dhe i bukur dhe ne kishim nevojë që të përmirësoheshim. Që kur erdha këtu në Inter, kam thënë se veshja e kësaj fanelle është një nder dhe një përgjegjësi sepse ka shumë tifozë që na ndjekin dhe na brohorasin çdo javë”, ka thënë Frattesi.

Interi sonte do të ndeshet me Como-n e Cesc Fabregasit. Aktualisht internistët ndodhen në vendin e tretë me 34 pikë, gjashtë me pak se kryesuesi i tabelës, Atalanta.