Fitore dhe emocione të Paharrueshme!

Federata e Futbollit të Kosovës, ka falënderuar të gjithë tifozët e shumtë që e përkrahen skuadrën dardane në fitoren ndaj Lituanisë.

Kosova me fitore e mbyll këtë cikël garash në Ligën e Kombeve duke mundur Lituanin (1-0), të hënën mbrëma në ‘Fadil Vokrri’.

“Një natë e mbushur me adrenaline, emocione e krenari për Kosovën teksa djemtë tanë luftuan me zemër për të përmbyllur garën në Ligën e Kombeve me fitore të rëndësishme, 1-0 kundër Lituanisë. Atmosferën elektrizuese dhe mbështetja e jashtëzakonshme e tifozëve “Dardanët” që nuk u ndalën së brohorituri “Kosova, Kosova!” — çdo moment ishte i mbushur me pasion dhe emocion. Faleminderit të gjithëve që e bëtë këtë natë kaq të veçantë”, thuhet në njoftimin e FFK-së.

Kosova e mbylli këtë sezon të garave në vendin e dytë në Ligën C Grupi 2, pa llogaritur epilogun e ndeshjes Rumani-Kosovë që do të vendoset UEFA.