Fisnik Asllani i pafat, ndalet rruga e Elversberg drejt Bundesliga

Sulmuesi kosovar, Fisnik Asllani, nuk ka pasur fat në ndeshjen vendimtare për ngjitjen në Bundesliga mes Elversberg dhe Heidenheim: ai ka arritur ta tundë rrjetën në minutën e dyzet e shtatë, mirëpo goli i është anuluar për pozitë jashtë loje.

Asllani kishte pasur rol edhe në ndeshjen e parë të barazhit, duke shënuar një nga golat në barazimin 2-2. Megjithatë, përkundër kontributit të tij në të dyja takimet, skuadra e tij është eliminuar, pasi Elversberg është mposhtur 2-1 në ndeshjen e kthimit, duke humbur me rezultat të përgjithshëm 4-3.

Ndeshja e kthimit ka nisur keq për Elversberg, pasi Heidenheim ka kaluar në epërsi që në minutën e nëntë me golin e Honsak.

Elversberg ka reaguar shpejt dhe e ka barazuar me anë të Fellhauer në minutën e tridhjetë e një.

Pavarësisht përpjekjeve të shumta në pjesën e dytë dhe golit të anuluar të Asllanit, ka qenë Scienza që ka shënuar për mysafirët në kohën shtesë (90+5′), duke vulosur fatin e përballjes.

Asllani ka pasur një sezon shumë të suksesshëm në Bundesliga 2, duke shënuar nëntëmbëdhjetë gola dhe duke dhënë nëntë asistime.