Evropa duhet të gjejë një përgjigje të përbashkët për luftën në Gaza, thotë diplomati palestinez

Bashkimi Evropian duhet të respektojë Gjykatën Ndërkombëtare të Drejtësisë në politikën e saj ndaj Izraelit dhe Palestinës, tha i dërguari palestinez në Mbretërinë e Bashkuar në një intervistë ekskluzive për Euronews Turkish.

Husam Zomlot shpjegoi se BE-ja është një faktor kyç në përfundimin e konfliktit të vazhdueshëm Izrael-Hamas.

Sipas tij kjo është arsyeja pse “vendimi i GjND-së është një vendim historik dhe jetik.

“Në veçanti, BE-ja duhet të formojë politikat e saj sipas vendimit të GjND-së”, tha ai, përcjell Klankosova.tv.

Gjykata vendosi në korrik se prania e Izraelit në territoret e pushtuara palestineze, duke përfshirë Rripin e Gazës dhe Bregun Perëndimor, është e paligjshme, duke i kërkuar Izraelit të tërheqë trupat e tij dhe të shpërbëjë vendbanimet e tij.

Zomlot, tha se Evropa është një rajon gjeografikisht afër Palestinës.

“Evropa duhet të arrijë një konsensus të qartë, të qëndrueshëm dhe të koordinuar përballë kësaj situate”, theksoi ai.

“Është kënaqësi që Këshilli Evropian po diskuton vendosjen e sanksioneve ndaj (ministrit izraelit të financave Bezalel) Smotrich dhe (ministrit të Sigurisë Kombëtare) Ben-Gvir. Megjithatë, sanksionet duhet të zbatohen jo vetëm ndaj këtyre dy ekstremistëve, por ndaj të gjithëve. ata që qëndrojnë pas sjelljeve të paligjshme”, shtoi Zomlot.