E kërkojnë Barça dhe Atletico, Diaz nuk e mendon largimin nga Liverpool-i

Sulmuesi kolumbian Luis Diaz raportohet se nuk është duke e menduar largimin nga Liverpooli.

Kolumbiani është i lidhur me transferimin në La Ligë, ku kërkohet nga Barcelona dhe Atletico Madrid.

Por, sipas gazetarit të Sky Deutschland, Florian Plettenberg, Diaz nuk e po e planifikon largimin nga ‘Anfield’.

“Pavarësisht shumë thashethemeve, Luis Diaz aktualisht nuk po planifikon largimin nga Liverpool”.

“27-vjeçari, i cili shënoi dy gola kundër Tottenhamit, ndihet shumë rehat në klub”, shkruan gazetari Plettenberg.

Anësori, i cili me Liverpoolin ka kontratë deri në vitin 2027, thuhet se ka raporte mjaft të mirë me trajnerin Arne Slot.