Borusia Dortmund vendos klauzolën 50 milionë euro, Guirassy mes Anglisë dhe Spanjës

Borusia Dortmund pritet të humbasë sulmuesin Serhou Guirassy verën e ardhshme. Klubi gjerman, i njohur për politikën e suksesshme të përfitimeve nga shitjet që bën, ka kontratë deri në 2028-ën me këtë futbollist. Por në verë mund të aktivizojë një klauzolë prej 50 milionë eurosh për ta liruar në 2026-ën.

Janë të shumtë klubet e mëdha europiane që po monitorojnë situatën e Guirassy. Në gjurmët e sulmuesit të vitlindjes 1996 janë vënë prej kohësh Chelsea, Real Madrid, Barcelona, Arsenal dhe Manchester City.

Afrikani i lindur në Francë ra në sy gjatë aktivizimit te Shtutgart në Bundesligë dhe më pas kaloi te Borusia Dortmund. Sezonin e kaluar ai realizoi 21 gola, kurse këtë sezon deri tani e ka gjetur rrugën e rrjetës 5 herë në kampionat. Në qershor, sipas të gjitha gjasave sulmuesi 29-vjeçar do të ndërrojë kampionat, me bigët e Premier League dhe La Liga që e presin.