Begaj vizitë në Kosovë, kreut të shtetit i jepet titulli “Qytetar Nderi” i Drenasit

Presidentit Bajram Begaj i dhënë këtë të hënë (24 qershor) titulli “Qytetar Nderi” i Komunës së Drenasit.

Kreu i shtetit, në ceremoninë e dhënies së titullit, e konsideroi këtë moment si një prej më të veçantëve në jetën e tij. Presidenti ua kushtoi nderimin e parë heronjve dhe dëshmorëve të luftës, por ai nuk la pa përmendur edhe ish-drejtuesit e UÇK-së, që po përballen me drejtësinë ndërkombëtare.

“Nderimi i parë shkon për heronjtë dhe dëshmorët e luftës dhe heronjtë e paqes që gjenden në Hagë.

Sot ndiej nder dhe privilegj të madh teksa qëndroj para jush dhe pranoj titullin qytetar nderi i Drenasit. Ky është një prej momenteve më të veçanta në jetën time.

Drenasi është vend me histori të pasur dhe zemër të madhe, Ka luajtur rol të rëndësishëm në historinë e Kosovës. Kjo tokë ka parë sfida të mëdha dhe ka lindur heronj që kanë luftuar me guxim për lirinë, pavarësinë  e Kosovës e gjithë Shqiptarinë.

Personalisht i kam ende të gjalla sakrificat që kaluan shumë prej jush me agresionin serb”, deklaroi Begaj, raporton rtsh.