“Amerikë, të dhashë më të mirën time”, Biden i kalon stafetën Kamala Harris, sulmon Tramp

Presidenti amerikan Xho Bajden (Joe Biden) ka mbajtur një fjalë të gjatë në Konventën Kombëtare Demokrate ku ndër të tjera u bëri thirrje qytetarëve që të votojnë Kamala Harris në krye të Shtëpisë së Bardhë.

I përlotur, Bajden deklaroi se ka qenë nderi i jetës së tij që të shërbejë si president i SHBA-ve.

“Ka qenë nderi i jetës sime të shërbej si president. Unë e dua punën, por e dua më shumë vendin tim.

Nuk është e vërtetë” se jam i inatosur me ata që po më shtynin të largohem. Rrihni Donald Trump dhe zgjedhni Kamala dhe Tim”, tha Bajden.

Zgjedhja e Harris si kandidate

Bajden deklaroi se zgjedhja e Kamala Harris si kandidate e tij në 2020 ishte vendimi më i mirë i gjithë karrierës së tij.

Ai theksoi se asnjë komandant i përgjithshëm nuk duhet të përkulet përpara një diktatori sikurse vepron Trampi me Putin.

“Ashtu si shumë nga presidentët tanë më të mirë, ajo ka qenë zëvendëspresidente. Unë premtoj se do të jem vullnetari më i mirë që ka parë ndonjëherë fushata Harris-walz,” thotë Biden, duke bërë një shaka për kohën e tij si numri dy i Barak (Barack) Obamës.

Emigracioni

Emigracioni është një nga çështjet kryesore për votuesit që shkojnë në zgjedhjet e nëntorit dhe një nga dobësitë më të mëdha të kandidates presidenciale Kamala Harris.

Bajden e trajtoi çështjen duke vënë në dukje se si Tramp inkurajoi republikanët të fundosnin një projekt-ligj dypartiak kufitar që do të kishte financuar agjentët kufitarë dhe do të kufizonte politikën e azilit.

Por mbështetja e vetë presidentit për projektligjin erdhi mes një ndryshimi të madh në politikën e imigracionit të administratës së tij. Shtëpia e Bardhë përqafoi kufizimet e kohës së Trump për azilin pasi Biden drejtoi një fushatë në vitin 2020 duke u zotuar për një sistem më “human” imigracioni.

Lufta Izrael-Hamas

Lufta në Gaza ishte një tjetër pikë në të cilën u ndal gjatë fjalimit të tij, presidenti Xho Bajden.

Ky i fundit nënvizoi se po punohet për parandalimin e përshkallëzimit të luftës, lirimin e pengjeve, dhe rritjen e ndihmës humanitare shëndetësore dhe ushqimore në Gaza.

“Ne po punojmë gjatë gjithë kohës, sekretari im i shtetit, për të parandaluar një luftë më të gjerë dhe për të ribashkuar pengjet me familjet e tyre dhe për të rritur ndihmën humanitare shëndetësore dhe ushqimore në Gaza tani. Për t’i dhënë fund vuajtjeve civile të popullit palestinez dhe më në fund, për të dhënë më në fund një armëpushim dhe për t’i dhënë fund kësaj lufte”, tha Bajden. /rtsh/