Ambasada amerikane: Vizioni i Rugovës, inspirim në Kosovë dhe kudo në botë

Ambasada amerikane ka shkruar sot për nderimet që dje i bëri e ngarkuara me punë Anu Prattipati, bashkë me presidenten Vjosa Osmani, në 19 vjetorin e vdekjes së presidentit, Ibrahim Rugova.

Në reagimin e ambasadës thuhet se trashëgimia dhe vizioni i Rugovës janë inspirim si në Kosovë ashtu edhe nëpër botë.

“Dje, e ngarkuara me punë Anu Prattipati iu bashkua Presidentes Vjosa Osmani në nderim të Dr. Ibrahim Rugovës në 19-vjetorin e vdekjes së tij. Trashëgimia dhe vizioni i tij vazhdojnë të jenë inspirim këtu në Kosovë dhe gjithandej në botë”, ka shkruar ambasada në X transmeton Klankosova.tv

Presidentja Osmani bashkë me ambasadorët e akredituar në vend shkuan te varri i Rugovës për homazhe.