Abdixhiku krenohet me rregullimin e rrugës për në bjeshkët e Moknës

Kryetari i Lidhjes Demokratike të Kosovës, Lumir Abdixhiku ka lavdëruar punën që po e bën kryetari i Istogut, Ilir Ferati.

Abdixhiku ka theksuar për rrugën që po bëhet për në bjeshkën e Moknës, duke shtuar se vendi ynë ka nevojë për projekte të tilla.

“Nga Bjeshka e Moknës dhe rruga e re prej 19.1 kilometrave që po ndërtohet aty. Një koridor i ri turizmi, një model konkret i punës që vërtetë ka rëndësi! Dhe për këso politika e këso projekte ka nevojë vendi ynë. Temat e tjera të thata, përplot mllef e urrejtje, sharje e përplasje, po mbajnë shtetin e shoqërinë peng – tash e katër vjet”, ka shkruar ai në Facebook, raporton rtk.

Kreu i LDK-së thotë se partia e tij ka tjetër vizion të zhvillimit, mirëqenies, punëve që lënë shenjë e mbahen në mend.