Ushtria izraelite raporton një sulm të rrallë me raketë nga Gaza
Ushtria izraelite thotë se një “projektil” është lëshuar nga jugu i Gazës drejt Izraelit të shtunën. Forcat e Mbrojtjes së Izraelit (IDF) thanë se raketa ra në një zonë të hapur dhe nuk u raportuan të lënduar.
Sulmet me raketa nga Gaza janë bërë gjithnjë e më të rralla, pasi ushtria izraelite ka shkatërruar municionet dhe lëshuesit e Hamasit që nga fillimi i këtij konflikti më 7 tetor 2023.
IDF ka raportuar pesë lëshime raketash gjatë dy javëve të fundit, katër prej të cilave janë kapur në ajër (interceptuar).
Ajo tha se në operacionet e vazhdueshme në Gaza, një sulm ajror eliminoi një “celulë terroriste që kishte vendosur një mjet shpërthyes kundër forcave të IDF-së”, dhe një tjetër sulm goditi një lëshues në qytetin e Gazës, nga ku ishte qëlluar një raketë kundër tankeve.
Shtoi gjithashtu se gjatë ditës së fundit janë kryer sulme ajrore ndaj “më shumë se 100 objektivave terroriste në të gjithë Rripin e Gazës”, raporton rtk.
Ushtria izraelite po vazhdon fushatën e saj në Gaza pavarësisht krizës humanitare në përkeqësim, me urinë që po përhapet dhe pjesën më të madhe të popullsisë të pastrehë.