Gjermania gati të dërgojë raketa Taurus në Ukrainë

Gjermania është e gatshme të dërgojë raketat e saj me rreze të gjatë veprimi Taurus në Ukrainë, ka thënë kancelari i ri që pritet të marr detyrën.

Friedrich Merz tha se Kievit duhet të “përparonte” në konflikt pasi dhjetëra u vranë në sulmin rus të së dielës së Palmës në qytetin ukrainas të Sumy, të cilin ai e denoncoi si një “krim të rëndë lufte”.

I pyetur nëse ai do të pajtohej me lutjen e përsëritur të Ukrainës për raketat me rreze të gjatë veprimi të Gjermanisë, Merz tha se do ta bënte këtë nëse do të bëhej në bashkëpunim me aleatët, disa prej të cilëve tashmë po ofrojnë armë të ngjashme me rreze të gjatë.

“Partnerët tanë evropianë po furnizojnë tashmë raketa lundrimi”, tha lideri konservator të dielën. “Anglezët po e bëjnë atë, francezët po e bëjnë atë dhe amerikanët po e bëjnë gjithsesi.”

“Kjo duhet të arrihet bashkërisht. Dhe nëse bihet dakord, atëherë Gjermania duhet të marrë pjesë,” shtoi ai, raporton rtsh.