Superliga rikthehet sot me tri ndeshje interesante

Elita e futbollit rikthehet sot pasdite me tri ndeshjet e para të javës së nëntë.

Gjilani-Dukagjini, Malisheva-Drita dhe Feronikeli ’74-Fushë Kosova, janë tri duelet që do të luhen sot, sfida këto që pritet të prodhojnë ndeshje interesante.

Xhiroja e nëntë do të vazhdojë të dielën pasdite, ku derbi i madh luhet në “Fadil Vokrri’, mes Prishtinës dhe Ballkanit, skuadra këto që synojnë titullin e kampionit.

Përballja mes prishtinasve dhe suharekasëve, e cila do të luhet nën ndriçimin e reflektorëve, do të gjykohet nga arbitri Ilir Mehmeti.

Krahas duelit Prishtina-Ballkani, do të luhet edhe përballja mes Llapit dhe Lirisë, ndeshje që do të zhvillohet në “Zahir Pajaziti”.

Superliga /Java e nëntë

Sot takohen:

Gjilani-Dukagjini

Malisheva-Drita

Feronikeli ’74-Fushë Kosova

Nesër takohen:

Llapi-Liria

Prishtina-Ballkani

Të gjitha ndeshjet fillojnë në orën 15:00, përveç duelit Prishtina-Ballkani që luhet prej orës 20:00.