Zelensky: Mbi 45 000 ushtarë ukrainas të vrarë në luftë

Ukraina ka humbur 45 100 ushtarë në fushën e betejës që nga fillimi i pushtimit të gjithanshëm të Rusisë gati tre vjet më parë, tha sot presidenti Volodymyr Zelensky.

Gjatë një interviste me gazetarin britanik Piers Morgan, ai tha se numri i ushtarëve të plagosur ishte 390 000.

Shifrat nuk mund të konfirmohen në mënyrë të pavarur.

Ndërsa Ukraina dhe Rusia raportojnë çdo ditë humbje të armikut, ata rrallë zbulojnë numrin e tyre të viktimave.

Por, Zelensky, në raste të ndryshme, ka ofruar shifra.

Dy muaj më parë ai tha se 43 000 ushtarë ukrainas ishin vrarë dhe 370 000 ishin plagosur.

Në përgjithësi pranohet që të dyja palët zvogëlojnë humbjet e tyre dhe ekzagjerojnë ato të armikut.

Shërbimet sekrete perëndimore vlerësojnë se deri në 100 000 ushtarë ukrainas dhe më shumë se dy herë më shumë ushtarë rusë kanë vdekur që nga fillimi i luftës nga Moska.

Përveç kësaj, ka mijëra viktima civile, kryesisht nga pala ukrainase.

Intervista e Zelensky me Morgan u publikua në YouTube. /atsh/