FSHF zgjedh më të mirët, ky është mesazhi i presidentit Ademi

Presidenti i FFK-së, Agim Ademi ka uruar FSHF-n për organizimin e eventit madhështor “Topi i Artë”!.

I pari i futbollit tonë përmes llogarisë së tij në rrjetët sociale, ka përgëzuar homologun e tij, Armando Dukën dhe ekipin e tij për punën e shkëlqyer në përzgjedhjen e më të mirëve të vitit në futbollin shqiptar.

Ademi thotë se ishte kënaqësi të takoj këngëtaren e madhe shqiptare, Ana Oxa, e cila gjithmonë ruan krenarinë për origjinën e saj shqiptare.

Postimi i plotë:

Urime më të mira FSHF-së për organizimin e eventit madhështor “Topi i Artë”!

Përgëzime mikut tim, Armand Duka, dhe ekipit të tij për punën e shkëlqyer në përzgjedhjen e më të mirëve të vitit në futbollin shqiptar.

Gjithashtu, përgëzime të sinqerta për futbollistët dhe futbollistet e përzgjedhur! Uroj që ky vlerësim t’ju shërbejë si motiv shtesë për të punuar më shumë dhe si shembull frymëzues për të rinjtë dhe të rejat që ëndërrojnë të ecin në këtë rrugë.

Kisha gjithashtu kënaqësinë të takoja këngëtaren e madhe shqiptare, Ana Oxa, e cila gjithmonë ruan krenarinë për origjinën e saj shqiptare. Patriotizmi dhe dashuria e saj për atdheun duhet të jenë një shembull frymëzues jo vetëm për artistët, por edhe për sportistët tanë.