Milwaukee fitoi Kupën në NBA

Basketbollistët e Milwaukee Bucks fituan Kupën e NBA-së duke mundur në finale Oklahoma City Thunder me rezultat 97:81.

Milwaukee e kishte më të lehtë të merrte fitore pas një paraqitje të jashtëzakonshme nga Giannis Antetokounmpo, i cili regjistroi një performancë triple-double dhe u bë MVP i Kupës NBA.

Ylli grek shënoi 26 pikë me 19 kërcime dhe 10 asistime në finale derisa Damian Lillard shtoi 23 pikë të tjera. Nga ana tjetër, Shai Gilgeous-Alexander shënoi 21 pikë për OKC, por që nuk mjaftuan për të marrë fitore.

Në këtë mënyrë, Milwaukee pasoi Los Angeles Lakers si fitues të Kupës NBA dhe çdo lojtar i Bucks mori gjysmë milioni dollarë si çmim.

Për disa lojtarë, kjo shifër do të thotë vërtet shumë. Gjegjësisht, Stanley Umude, Liam Robbins dhe Ryan Rollins kanë një pagë vjetore prej më pak se 600 mijë dollarë dhe në këtë mënyrë ata do të përmirësojnë ndjeshëm llogarinë e tyre bankare.